Monday, August 31, 2009

मेरो नेपाल

उपराष्ट्रपति परमानन्द झालाई अब उप्रान्त कानुनी तथा नैतिक हिसाबले खाईपाई आएको सेवा-सुविधा र भूमिका उपयोग गर्न समस्या आएको छ । किनकि पदमा रहने भए नेपालीमै सपथ खान सर्वोच्चले दोस्रो पटक आदेश दिइसकेको छ । हिन्दीमा सपथ लिएपछि २०६५ साउनमा उपराष्ट्रपतिले देशव्यापी विरोध सामना गर्नुपरेको थियो । मुलुकवासीबाट चर्को विरोध भएपछि त्यसलाई मत्थर पार्न नै उहाँले साउन १४ मा देशवासीका नाममा अपिल जारी गर्नुपरेको थियो । उहाँले अपिलमा राष्ट्रिय एकता अखण्डता सार्वभौमिकता र सबै नागरिकको सम्मानमा कुनै पनि प्रकारको प्रतिकूल प्रभाव पार्ने मनसाय नरहेको प्रस्टीकरण दिनुभएको थियो । हिन्दी भाषामा सपथ लिएपछि तराईका मैथिलिभाषीले समेत विरोध जनाएका थिए ।
सर्वोच्चको अस्थायी न्यायाधीश हुँदा ६ सय ६९ किलो चरेससहित पक्राउ परेका व्यक्ति दिलबहादुर गुरुङलाई २०६३ असार १५ मा निर्दोष ठहर गर्दै रिहाइको आदेश दिएपछि झा विवादमा तानिनुभएको थियो । आर्थिक प्रलोभनमा परेर लागूऔषध तस्करलाई सफाइ दिएको विवादपछि अनुसन्धानका लागि सर्वोच्च अदालतले न्यायाधीश अनुपराज शर्माको संयोजकत्वमा छानविन समिति गठन गरेको थियो । चरेस काण्डकै कारण स्थायी न्यायाधीश बनाउन अनुपयुक्त ठहर गर्दै न्यायपरिषद्ले पुनरावेदन अदालत विराटनगर सरुवा गरेपछि कानुन व्यवसायीहरुले उहाँको बेन्चसमेत बहिस्कार गरेका थिए । त्यसपछि न्याय सेवाबाट बाहिरिनुभएका झालाई मधेसी जनअधिकार फोरमले उपराष्ट्रपतिको रुपमा अघि सारेर राजनीतिमा प्रवेश गराएको थियो .

Sunday, August 30, 2009

खुलापत्र :

खुलापत्र तथा केही प्रश्नहरु :
सम्माननीय देशद्रोही उपरास्ट्रपति ज्यू ,
देशद्रोही उपरास्ट्रपतिको कार्यालय
नेपाल ।
शपथ बदर भईसकेपछि परमानन्द झाको हैसियत कानूनी रुपमा उपराष्ट्रपति छ की छैन भन्नेमा हामी लाई शंका लागेको छ । संपूर्ण राष्ट्र प्रेमी जनसमुदायको मनमा चोट लागेको छ। किनकी उपराष्ट्रपति जस्तो गरिमामय पदमा बसेको भू:पु न्यायाधीस जस्तो मान्छेले पनि देशको मूल-कानुनको अपहेलना गरी एक विदेशी दलालको भूमिका निर्बाह गर्दै हिजो सम्म अरुलाई कानुनको पाठ सिकाउँदै हिड्ने मान्छेले एस्तो स्थानमा आइपुग्दा यही गर्छ भनेर । तर जसरी सर्वोच्चले शपथ बदर गरिदिएको छ, त्यसरी नै परमानन्द झाले त्यो फैसलालाई बदर गरिदिएकाछन ।उनले सर्वोच्चको आदेश पालना नगर्ने खुला रुपमा घोषणा नै गरेका छन। के यही हो त लोकतांत्रिक परिपाटीको मूल्य र मान्यता ? के यही हो त आफ्नो ज्यानको समेत परवाह नगरी रगतको खोलो बगाउने शहीदको सपना ? के यही हो त जनताले चाहेको वास्तबिक लोकतंत्र ? के यही हो त सर्बोच्च अदालत जस्तो गरिमामय संस्थाको आदर ? अब जनताले कुन आधारले उपराष्ट्रपतिको मान्यता दिने ? माथीको संपूर्ण प्रश्नको जवाफ सोचनीय छ भन्दा अतियुक्ती नहोला । आज आयोजित एकतर्फी पत्रकार सम्मेलनमा उनले आफूले राजीनामा पनि नदीने र अदालतको आदेश पनि नमान्ने बताए । एकतर्फी यो अर्थमा की उनले पत्रकारहरूले सोध्न खोजेका कुनै प्रश्नको जवाफ दिएनन र जालझेल गरेर नेपाली भाषामा शपथ नलिने कुरा उनले प्रष्ट रुपमा नै बताएका छन । प्रश्न उठ्छ , कानूनी राज्य मान्ने हो भने कानुनको व्याख्या गर्ने सर्वोच्च अदालतको फैसला मान्दीन भनेर सार्वजनिक रुपमा भन्न पाईन्छ की पाइन्न? के कानून भनेको ठूलालाई मात्र नलाग्ने र सानालाई मात्र लाग्ने विषय हो ? सर्वोच्चको आदेश पालन गर्दिनँ भन्ने उपराष्ट्रपतिका यत्तिकै नकारात्मक कुरा पनि आएका छन । त्यसैले होसियार यस्तै जनभावना बिरोधी ब्यक्ति हरुले नै देश बिदेशी दलालको फन्दामा सुम्पिन्छं । आजै देखि यस्ता तत्व विरुद्ध आवाज उठाओं ।
धन्यवाद ।
नेपाल र नेपालीको जय होस ।

समय सन्दर्भ :

khulaapatratathaakehiiprashnaharu




shapath badar bhisakepachhi paramaanand jhaako haisiyat kaanunii rupamaa uparaashtrapati chh ki chhain bhannemaa haamii laaee shankaa laageko chh null sanpoorn raashtr premii janasamudaayako manamaa chot laageko chh null kinakii uparaashtrapati jasto garimaamay padamaa baseko bhoo.pu nyaayadhis jasto maanchhele pani deshako mool-kaanunako apahelanaa garii yek videshii dalaalako bhoomikaa nirbaahaa gardai hijo samm arulaaee kaanunako paath padaaudai ,sikaaundai हिड्ने maanchhe le ahile yesto sthaan maa aaipugdaa yahii garchh bhaner null tar jasarii sarvochchale shapath badar garidiyeko chh, tyasarii nai paramaanand jhaale tyo phaisalaalaaee badar garidiyekaa chhan unale sarvochchako aadesh paalanaa nagarne khulaa rupamaa ghoshanaa nai garekaa chhan ke yahii ho t lokataantrik paripaatii ko mooly r maanyataa ? ke yahii ho t aaphno jyaanako samet paravaah nagarii ragatako kholo bagaaune shahiidko sapanaa ? ke yahii ho t janataale chaaheko vaastaabik lokatantr ? ke yahii ho t sarbochch adaalat jasto garimaamay sansthaako aadar ? ab janataale kun aadhaarle uparaastrapatiko maanyataa dine ? maathi ko sanpoorn prashn ko javaaph sochaniiy chh bhandaa atiyuktii naholaa null aaj aayojit yekatarphii patrakaar sammelanamaa unale aaphoole raajiinaamaa pani nadine r adaalatako aadesh pani namaanne bataaye yekatarphii yo arthamaa ki unale patrakaaraharule sodhn khojekaa kunai prashnako javaaph diyenan
karakaapamaa r jaalajhel garer nepaalii bhaashaamaa shapath naline kuraa unale prasht rupamaa nai bataayekaa chhan prashn uthchh, kaanunii raajy maanne ho bhane kaanunako vyaakhyaa garne sarvochch adaalatako phaisalaa maandinan bhaner saarvajanik rupamaa bhann paainchh ki paainn ? ke kaanun bhaneko thoolaalaaee maatr nalaagne r saanaalaaee maatr laagne vishay ho ?

sarvochchako aadesh पालन गर्दिनँ भन्ने उपराष्ट्रपतिका mukhabaat kehii sakaaraatmak kuraa pani aayekaa chhan jastai
-नेपाली जनताले चाहेमा जनतासमक्ष nepaaliimaa patakapatak shapath lin tayaar chhu
-न्यायपालिकाको मर्यादा हनन गर्ने आफ्नो कुनै मनशाय छैन
-नेपाली भाषी नेपालीहरुको मान एवम् तिनका भावनाको पनि हृदयदेखि कदर गर्छु
-शपथ लिँदा आफ्नो मनमा महान् नेपाली भाषाको अपमान गर्ने कुनै मनशाय नभएको नेपाली भाषा नबोल्ने शपथ खाएको पनि होइन। एक अर्काको भाषा भावनाको सम्मानबाट नै सबै नेपाली विजयी हुनसक्छौँ।
- तराई, मधेस, पहाड, हिमाल सिङ्गो राष्ट्रको उपराष्ट्रपति रहेको मलाई आफ्नो पदीय गरिमा मर्यादाको ख्याल छ।

माथिका वाक्यांस लाई बिचार गरी खण्डन गर्दा उपराष्ट्रपतिले मात्र जनताको आँखामा छारो हाल्ने काम बाहेक केही गरेको पाइएन किन भने प्रथम वाक्यांसले के भन्छ भने , नेपाली जनताले चाहेमा जनतासमक्ष नेपालीमा पटकपटक शपथ लिन तयार छु। के सर्वोच्च न्यायलय जस्तो गरिमा माया संस्था नेपाली जनताको हैन ? की आफु जस्तै विदेशी दलालको संस्था हो भन्ने लाग्छ ? दोस्रो वाक्य न्यायपालिकाको मर्यादा हनन गर्ने आफ्नो कुनै मनशाय छैन न्यायपालिकाको मर्यादा हनन गर्ने मनसाय नभएको भए के यो सम्मान गरेको हो भनेर जनताको आंखामा छारो हालेको कसैको आज्ञा पालना गरेको भनेर यसैलाई भनिन्छ त्यसो भए ?

नेपाली भाषी नेपालीहरुको मान एवम् तिनका भावनाको पनि हृदयदेखि कदर गर्छु। त्यसो भए यही हो नेपाली भाषीको कदर गरेको ? यदि हिन्दीमा सपथ खानुको बदला आफ्नो मातृभाषा सपथ खांदा जनताले के गर्थे ? शपथ लिँदा आफ्नो मनमा महान् नेपाली भाषाको अपमान गर्ने कुनै मनशाय नभएको नेपाली भाषा नबोल्ने शपथ खाएको पनि होइन। एक अर्काको भाषा भावनाको सम्मानबाट नै सबै नेपाली विजयी हुनसक्छौँ। यदि उपराष्ट्रपतिले नेपाली भाषाको अपमान नगरेको भए के खिल्ली उडाएको मान्ने हामी जनताले की विदेशी दलाल, ?

Saturday, August 29, 2009

केही हाइकुहरु :

परदेशी जीवन
परदेशी हुनुको पीड़ा
देशको दयनीय अवस्था ।

नारा नयाँ नेपालको
सबै पुराना नेताहरु
स्यालले बाघको छालाको खोल ओडे जस्तो ॥

नयाँ संबिधान बनाउने आश्वासन
जनताको पसीना बाट जमेको धुकुटी सक्ने मेलो
त्यसैले यस्तो ढीला गरेका ।।।

वर्तमान सरकार
केही छैन अधिकार
वानरको पुच्छर लौरो न हतियार ।।।।

भत्ता खाएर बसेका सभासद्को संबिधान बनाउने जिम्मा
निर्धारित मिति भित्र संबिधान नबने
सिंहदरबार बाट सबै जनता मिलेर लखेटने छन ।।।।।

बिनोद कुमार रिजाल
रूपनगर,सप्तरी
नेपाल
हाल : दोहा, कतार

Tuesday, August 25, 2009

पहिलो पटक सगरमाथा दर्पणको लागी गजल :

गजल
थोरै-थोरै गरी धेरै माया तिम्रोलागी संचिराछू ।
पल- पल हर पल तिम्रै लागी बांचिराछू ॥

यदि तिमी सक्छौ भने मलाई सम्झी बसी राख ।
मेरो याद आयो भने तस्बीर हेरी हाँसी राख ॥

तिम्रो हृदयको कुनामा तिम्ले मलाई नपाउँदा ।
मेरो घर आउने बाटो सँधैभरी ताकिराख ॥

तिम्रो मान्छे टाढा अहिले कतै गएको बेला ।
तिम्रो मनमा भोटे ताल्चा ले थुनी राख ॥

म कही भन्दिन गल्ती मेरो पनि भएको होला ।
सक्छौ भने तिम्रो मनमा मेरो लागी माफी राखीराख ॥

बिनोद कुमार रिजाल "ब्रजेश"
रूपनगर - 7 ,सप्तरी
हाल : दोहा ,कतार ।

Thursday, August 20, 2009

कम्प्युटरको ककपिटबाट देशदर्शन

कुन्द दीक्षित
यसअघिको अन्तिम पानामा भारतको आकाशमा हवाईजहाज उडाउँदाको क्याप्टेन वेद उप्रेतीको मनछुने वर्णन पढ्दा धेरैलाई हवाईजहाज चलाउने रहर जाग्यो होला। सानैदेखि यस लेखकलाई पनि ककपिटमा बसेर, जोयस्टिक समातेर हवाईजहाज उडाउने रहर लागेको हो, काम र करिअरले अन्यत्रै डोर्‍याइदियो।
तर हाम्रो लागि सौभाग्यको कुरा हो, गएको १०-१५ वर्षमा कम्प्युटर सफ्टवेयरको विकासले गर्दा आजभोलि घरमै बसी-बसी हवाईजहाज उडाएर मज्जा लिन सकिने भएको छ। त्यसको लागि आफ्नो घर या अफिसको कम्प्युटरमा माइक्रोसफ्ट कम्पनीद्वारा उत्पादित फ्लाइट सिमिलेटर सफ्टवेयर प्रोग्राम राखेर हवाईजहाजको जस्तै हातले कन्ट्रोल गर्ने जोयस्टिक कम्प्युटरको सीपीयुमा जोड्दै स्त्रि्कन अगाडि बसे पुग्छ।
वषर्ैैपिच्छे परिमार्जन हुँदै आउने यो सफ्टवेयरले आजभोलिका हवाईजहाजको बनोट, ककपिटभित्रका सरसामान र हवाईजहाज बाहिरका सीन-सिनरी यति दुरुस्त हिसाबले प्रस्तुत गरेको हुन्छ, साँच्चिकै पाइलटहरू समेत छक्क पर्छन्। कतैकतै त पाइलट ट्रेनिङको लागि पनि यो सफ्टवेयर उपयोग हुनथालेको छ। भू-उपग्रहबाट खिचिएका तस्बिरको सहयोगमा हिमाल, पहाड, उपत्यकाको भौगोलिक दृश्य जस्ताको तस्तै देखिन्छन्। हवाईजहाजको नेभिगेशन (राडार, रेडियो, एभियोनिक्स आदि) को पनि वास्तविक उडानमा कमर्सियल पाइलटले जस्तै गरी उपयोग गर्न पाइन्छ। यति मात्र होइन, स्पिकर छ भने आवाज पनि हवाईजहाजकै जस्तो आउँछ।
लौ त अब आफ्नै घर या अफिसमा बसी बसी नेपालको आकाशमा घुमौँ। पहिला हवाईजहाजको छनोट गर्नुहोस्― नेपालमा हवाई यातायात सुरुआत गर्ने डीसी-३ डेकोटा, या आजभोलि हाम्रा आकाशमा धेरै उड्ने डोर्निएर, ट्वीन अटर, जेटस्ट्रिम वा बिचक्राफ्ट-१९००।
आफूले छानेको ट्वीन अटर लिएर ताप्लेजुङको सुकेटार विमानस्थल जान तयार हुनुस्। त्रिभुवन विमानस्थलको उत्तरतर्फ मोडिएको धावनमार्ग-२० मा आफ्नो हवाईजहाज लिएर जानुस्। फ्ल्यापलाई १५ डिग्रीमा राख्नुस्, अनि थ्रटल दबाएर इञ्जिनलाई पूरा ऊर्जा दिई प्लेनलाई धावनमार्गमा दौडाउनुस्। हवाईजहाज दौडन्छ अनि ६० किमी प्रतिघण्टाको वेगमा पुगेपछि जोयस्टिक आफूतिर तान्दा आकाशिन्छ। दाहिने मोड्दा तल बागमती देखिन्छ। चाँगुनारायण मन्दिरमाथि हुँदै शिवपुरी र नगरकोट डाँडालाई बायाँ पारेर अनि साँगाभञ्ज्याङ र बनेपा भएर सम्पूर्ण पूर्वी पहाडको आकाशमा तैरिँदै सुकेटार विमानस्थलतर्फ लाग्नुस्। बायाँतर्फ एकपछि अर्को हिमचुचुरा देखिन्छन्― जुगल हिमाल, गौरीशङ्कर, खुम्बु हिमालको गोला (सगरमाथासहित)। भोटे कोशीमाथि आइपुग्दा बायाँपट्टि कोदारीको खोँच देखिन्छ र दायाँपट्टि सुनकोशीले विभिन्न खोलाको बहावलाई समेट्दै गएको। बायाँ दोलखा, दायाँ मन्थली र खलढुङ्गा।
मकालु हिमाल बायाँपट्टि आइपुग्दा विस्तारै अवतरण गर्ने बेला हुन्छ। अवतरणअघि पहिला अरुण नदी आइपुग्छ र तल संखुवासभाको तुम्लिङटार विमानस्थल छर्लङ्ग देखिन्छ। अलि अगाडि तमोर नदी छ भने त्यसको पूर्वी पाखाको उचाइमा सुकेटार विमानस्थल छ, पहाडको टुप्पैमा। जहाज उडानको प्रशस्त अभ्यास छ भने यो अलि जोखिमपूर्ण धावनमार्गमा पनि तपाईं सहजै उत्रन सक्नुहुन्छ।
सुकेटार विमानस्थलबाट उड्नुस् र खुम्बु उपत्यकाको लुक्ला विमानस्थल हुँदै चारैतिरबाट सगरमाथा/चोमोलोङ्माको निरीक्षण गर्न जानुस्। त्यहाँबाट सीधै दक्षिण हानिएर कमै चलेको राजविराज विमानस्थलमा अवतरण गर्नुस्। तपाईंलाई सुदूरपश्चिमाञ्चलको भौगोलिक बनोट र त्यहाँका मैदान, डाँडाकाँडामाथि उड्ने उत्सुकता छ भने सीधै राजविराजबाट नेपालगञ्जतिर लाग्नुस्। अनि नेपालगञ्जबाट उडान भर्नुस्― बाजुराकोे कोल्टी, हुम्लाको जुफाल, सुर्खेत विमानस्थल। देशाटनबाट थकाइ लागेको भए काठमाडौं फर्कंदा अलिबेर विश्रामको लागि आजकल हवाईसेवा नचलेको गोरखाको पालुङटार विमानस्थलमा अवतरण गर्न सक्नुहुन्छ।
सीधै काठमाडौँ के गइहाल्नु भन्ने लाग्छ भने फेरि पोखरातिर फर्कंदै कालीगण्डकीको खोँचमा उडानको आनन्ददायी अनुभूति बटुलेर जोमसोम हुँदै मुक्तिनाथमाथि जहाज घुमाउनुस्। अनि इञ्जिनलाई अलि दम दिँदै १७,००० फिटको उचाइमा रहेको थोरङ-ला भञ्ज्याङ पार गरेर लार्केभोट र बूढीगण्डकीको उद्गमस्थलबाट आरुघाट र त्रिशूली नदी हुँदै गणेश हिमाललाई बायाँ पार्दै, ककनी भञ्ज्याङबाट काठमाडौँ उपत्यका प्रवेश गर्नुस् र बूढानीलकण्ठको दर्शन गर्दै धावनमार्ग-०२ मा अवतरण गर्नुस्।
थकाइ लाग्यो होला, हतारोमा देशाटन गर्दा। तर कम्प्युटर न हो, फेरि अलि विस्तारै रमाइलो लिँदै आफ्नो मुलुकको यात्रा गरे भइहाल्यो नि!
साभार: हिमाल ख़बर पत्रिका

सङ्घीय लोकतान्त्रिक गणतन्त्र नेपाल एक परिचय

सङ्घीय लोकतान्त्रिक गणतन्त्र नेपाल एक दक्षिण एशियाली भूपरिवेष्ठित हिमाली राष्ट्र हो। यसको भौगोलिक अक्षांश २६ डिग्री २२ मिनेट देखि ३० डिग्री २७ मिनेट उत्तर र ८० डिग्री ४ मिनेट देखि ८८ डिग्री १२ मिनेट पूर्वी देशान्तर सम्म फैलिएको छ। यसको कूल क्षेत्रफल १,४७,१८१ वर्ग कि.मि छ। यो क्षेत्रफल पृथ्वीको कूल क्षेत्रफलको ०.०३% र एशिया महादेशको ०.३% पर्दछ। लण्डन स्थित ग्रीनवीच मिनटाइम भन्दा पूर्वतर्फ रहेकोले गौरीशंकर हिमालको नजिक भएर जाने ८६ डिग्री १५ मिनेट पूर्वी देशान्तरलाई आधार मानी नेपालको प्रामाणिक समय ५ घण्टा ४५ मिनेट आगाडि मानिएको छ। नेपालको पूर्वी सीमाना मेची नदीदेखि पश्चिमी सीमाना महाकाली नदीसम्मको कूल लम्वाई ८८५ कि.मि छ। उत्तर देखि दक्षिणको चौडाई भने एकनाशको छैन। पूर्वी भाग भन्दा पश्चिमी भाग केही चौडा छ। त्यस्तै मध्य भाग भने केही खुम्चिएको छ। यसमा अधिकतम चौडाई २४१ कि.मि र न्युनतम चौडाई १४५ कि.मि रहेको छ। यसर्थ नेपालको सरदर चौडाई १९३ कि.मि रहेको छ। नेपालको उत्तरमा चीनको स्वशासित क्षेत्र तिब्बत पर्दछ भने दक्षिण, पूर्व र पश्चिममा भारत पर्दछ। नेपालका ८०% भन्दा बढी नागरिक हिन्दू धर्म मान्दछन्। यो प्रतिशत भारतको भन्दा बढी छ, अतः नेपाल विश्वकै सबै भन्दा बढी प्रतिशत हिन्दू धर्मावलम्बी हुने राष्ट्र पनि हो। एउटा सानो क्षेत्रको लागि नेपालको भौगोलिक विविधता निकै उल्लेखनीय छ। यहाँ तराईका उष्ण फाँट देखि चिसा हिमालयका श्रृंखलाहरु अवस्थित छन्। संसारका सबै भन्दा उच्च १४ हिमश्रृंखलामध्ये ८ नेपालमा पर्दछन् जसमध्ये संसारको सर्वोच्च शिखर सगरमाथा (नेपाल र चीनको सीमानामा पर्ने) पनि एक हो। नेपालको प्रमुख सहर एवं राजधानी काठमाडौं हो। काठमाडौं, ललितपुरभक्तपुर शहरहरुलाई काठमाडौं उपत्यका भनेर चिनिन्छ । अन्य प्रमुख सहरहरुमा भरतपुर, बिराटनगर, भैरहवा, वीरगञ्ज, जनकपुर, पोखरा, नेपालगञ्ज, धनगढीमहेन्द्रनगर पर्दछन्। नेपाल भन्ने शब्दको उत्त्पत्तिको बारेमा ठोस प्रमाण केही छैन, तर एक प्रसिद्ध विश्वास अनुसार यो शब्द ने मुनि तथा पाल (ओडार) मिलेर बनेको हो।

सङ्घीय लोकतान्त्रिक गणतन्त्र नेपाल



राष्ट्र वाणी: जननी जन्म भूमिश्च स्वर्गादपि गरीयसी
राष्ट्रगान: सयौं थुँगा फूलका हामी

राजधानी
काठमाडौं
आधिकारिक भाषाहरू
नेपाली
सरकार
-
राष्ट्रपति
रामवरण यादव
-
प्रधानमन्त्री
माधवकुमार नेपाल
क्षेत्रफल
-
जम्मा
१४७,१८१ km² (९३औँ)
जल (%)
२.
जनसङ्ख्या
-
साउन २०६६ अनुमानित
२९,५१९,११४ (४०औं)
-
घनत्व
१८४/km² (५६औं)
मुद्रा
रुपैयाँ
ईन्टरनेट TLD
.np
टेलिफोन कोड
+९७७

नेपाल


नेपाली विकिपीडियाबाट :


सङ्घीय लोकतान्त्रिक गणतन्त्र नेपाल एक दक्षिण एशियाली भूपरिवेष्ठित हिमाली राष्ट्र हो। यसको भौगोलिक अक्षांश २६ डिग्री २२ मिनेट देखि ३० डिग्री २७ मिनेट उत्तर र ८० डिग्री ४ मिनेट देखि ८८ डिग्री १२ मिनेट पूर्वी देशान्तर सम्म फैलिएको छ। यसको कूल क्षेत्रफल १,४७,१८१ वर्ग कि.मि छ। यो क्षेत्रफल पृथ्वीको कूल क्षेत्रफलको ०.०३% र एशिया महादेशको ०.३% पर्दछ। लण्डन स्थित ग्रीनवीच मिनटाइम भन्दा पूर्वतर्फ रहेकोले गौरीशंकर हिमालको नजिक भएर जाने ८६ डिग्री १५ मिनेट पूर्वी देशान्तरलाई आधार मानी नेपालको प्रामाणिक समय ५ घण्टा ४५ मिनेट आगाडि मानिएको छ। नेपालको पूर्वी सीमाना मेची नदीदेखि पश्चिमी सीमाना महाकाली नदीसम्मको कूल लम्वाई ८८५ कि.मि छ। उत्तर देखि दक्षिणको चौडाई भने एकनाशको छैन। पूर्वी भाग भन्दा पश्चिमी भाग केही चौडा छ। त्यस्तै मध्य भाग भने केही खुम्चिएको छ। यसमा अधिकतम चौडाई २४१ कि.मि र न्युनतम चौडाई १४५ कि.मि रहेको छ। यसर्थ नेपालको सरदर चौडाई १९३ कि.मि रहेको छ। नेपालको उत्तरमा चीनको स्वशासित क्षेत्र तिब्बत पर्दछ भने दक्षिण, पूर्व र पश्चिममा भारत पर्दछ। नेपालका ८०% भन्दा बढी नागरिक हिन्दू धर्म मान्दछन्। यो प्रतिशत भारतको भन्दा बढी छ, अतः नेपाल विश्वकै सबै भन्दा बढी प्रतिशत हिन्दू धर्मावलम्बी हुने राष्ट्र पनि हो। एउटा सानो क्षेत्रको लागि नेपालको भौगोलिक विविधता निकै उल्लेखनीय छ। यहाँ तराईका उष्ण फाँट देखि चिसा हिमालयका श्रृंखलाहरु अवस्थित छन्। संसारका सबै भन्दा उच्च १४ हिमश्रृंखलामध्ये ८ नेपालमा पर्दछन् जसमध्ये संसारको सर्वोच्च शिखर सगरमाथा (नेपाल र चीनको सीमानामा पर्ने) पनि एक हो। नेपालको प्रमुख सहर एवं राजधानी काठमाडौं हो। काठमाडौं, ललितपुरभक्तपुर शहरहरुलाई काठमाडौं उपत्यका भनेर चिनिन्छ । अन्य प्रमुख सहरहरुमा भरतपुर, बिराटनगर, भैरहवा, वीरगञ्ज, जनकपुर, पोखरा, नेपालगञ्ज, धनगढीमहेन्द्रनगर पर्दछन्। नेपाल भन्ने शब्दको उत्त्पत्तिको बारेमा ठोस प्रमाण केही छैन, तर एक प्रसिद्ध विश्वास अनुसार यो शब्द ने मुनि तथा पाल (ओडार) मिलेर बनेको हो।
निरन्तर रुपमा राजा-रजौटाहरुको अधिनमा रहेर फुट्ने र जुट्ने लामो तथा सम्पन्न इतिहास बोकेको अहिले नेपाल भनेर चिनिने यो खण्डले वि. स. २०४६ सालको आन्दोलन पश्चात संवैधानिक राजतन्त्रको नीति अवलम्बन गर्‍यो। तर यस पश्चात पनि राजसंस्था एक महत्त्वपूर्ण तथा अस्पष्ट परिधि तथा शक्ति भएको संस्थाको रूपमा रहिरह्यो। यो व्यवस्थामा हुँदा पहिले संसदीय अनिश्चितता तथा सन् १९९६ देखिको ने.क.पा.(माओवादी)को जनयुद्धको कारणले राष्ट्रिय अनिश्चितता देखियो। माओवादीहरू राजनीतिको मूलाधारबाट अल्लगिएर भूमिगत रुपमा राजतन्त्र तथा मूलाधारका राजनैतिक दलहरुको बिरुद्धमा गुरिल्ला युद्ध सञ्चालन गरे। उनीहरुले नेपालको सामन्ती व्यवस्था (उनीहरुको अनुसार यसमा राजतन्त्र पनि पर्दछ) फ्यांकेर एक माओवादी राष्ट्र स्थापना गर्ने प्रण गरेका छन्। यही कारणले नेपाली गृहयुद्ध सुरु भयो जसको कारण १३,००० मानिसको ज्यान गईसकेको छ। यही विद्रोहलाई दमन गर्ने पृष्ठभूमिमा राजाले सन् २००२मा संसदको विघटन गरी निर्वाचित प्रधानमन्त्रीलाई अपदस्त गरेर प्रधानमन्त्री मनोनित गर्दै शासन चलाउन थाले। सन् २००५मा उनले एकनासै संकटकालको घोषणा गरेर सबै कार्यकारी शक्ति ग्रहण गरे। सन् २००६को लोकतान्त्रिक आन्दोलन (जनाअन्दोलन-२) पश्चात राजाले देशको सार्वभौमसत्ता जनतालाई हस्तान्तरण गरे तथा अप्रिल २४, २००६मा भंग गरिएको संसदलाई पूनर्स्थापना भयो। मे १८, २००६ मा आफूले पाएको सार्वभौमसत्ताको उपयोग गर्दै नयाँ प्रतिनिधि सभाले राजाको अधिकारमा कटौती गर्यो तथा नेपाललाई एक धर्मनिरपेक्ष राष्ट्र घोषणा गर्यो। अन्तरिम ब्यबस्थापिका सन्सदले पहिले नै घोशणा गरिसकेकोसंघीय लोकतान्त्रिक गणराज्य संविधान सभाको पहिलो बैठकबाट मे २८, २००८ मा आधिकारिक रूपमा कार्यान्वयन भएको हो।
विषयसूची[लुकाउनुहोस्]
१ भाषा
२ इतिहास
३ भूगोल
४ प्राकृतिक सम्पदा
५ अर्थतन्त्र
६ प्रशासनिक विभाजन
७ संस्कृति
७.१ खाना
८ शिक्षा
९ स्वास्थ्य
१० सेना तथा सुरक्षा अंग
११ संदर्भ
१२ समाचार/समाचार ब्लग
//

भाषा
नेपाली भाषा नेपालको राष्ट्र भाषा हो। यो सरकारी कामकाजको भाषा पनि हो।यसबाहेक नेपालमा मैथली, भोजपुरी, नेवारी, अवधी, थारू, गुरुङ्ग, शेर्पा, तामाङ आदि भाषा पनि बोलिन्छन्।

इतिहास
हिमालय क्षेत्रमा मानिसहरू बस्न थालेको कम्तिमा पनि ९,००० वर्ष भएको कुरा काठमाण्डौ उपत्यकामा पाइएका प्राचीन औजारहरूबाट पुष्टि हुन्छ। सम्भवत: भोट-बर्मेली मूलका मानिसहरू नेपालमा २,५०० वर्ष अगाडि बसोबास गर्दथे।[१]
ईशापूर्व १५०० तिर इन्डो-आर्यन जातिहरू उपत्यका प्रवेश गरे। ईशापूर्वको १००० तिर स-साना राज्यहरू र राज्यसङ्गठनहरू बने। सिद्धार्थ गौतम (ईशापूर्व ५६३–४८३) त्यस्तै एक वंश, शाक्यवंशका राजकुमार थिए, जसले आफ्नो राजकाज त्यागी तपस्वीको जीवन अँगाले र उनी बुद्ध भनेर विश्व प्रसिद्ध भए।
ईशापूर्वको २५० सम्ममा, यो क्षेत्र उत्तर भारतको मौर्य साम्राज्यको प्रभावमा पर्‍यो र पछि चौंथो शताब्दिमा गुप्त साम्राज्यको अधीनस्थ राज्य हुनपुग्यो। यो क्षेत्रमा ५औं शताब्दिको उत्तरार्द्धमा आएर लिच्छवीहरूले राज्य गरे। ८औं शताब्दिको उत्तरार्धमा लिच्छबीवंशको अस्त हुनथाल्यो र सन् ८७९ देखि नेवार युगको उदय भयो, तथापि उनीहरूको नियन्त्रणमा देशको कति विस्तार भएको थियो यकिन छैन। ११औं शताब्दिको उत्तरार्द्धमा दक्षिण भारतबाट आएका चालुक्य साम्राज्यको प्रभावमा नेपालको दक्षिणी भूभाग पर्‍यो। चालुक्यहरूको प्रभावमा त्यति बेला चलिआएको बुद्ध धर्मको साटो राजाहरूले हिन्दू धर्मको समर्थन गर्न थाले र नेपालमा हिन्दू धर्म तर्फको धार्मिक परिवर्तन हुनथाल्यो।

पाटनको हिन्दू मन्दिर, तीन प्राचिन राज्यमध्येको एकको राजधानी

१९२०तिरका नेपाली राजसंस्था
१३औं शताब्दिको पूर्वार्द्धमा संस्कृत शब्द मल्ल थर भएका नाइकेहरूको उदय हुनथाल्यो। सुरुमा उनिहरूको सत्ता उदयमान भयो, तर त्यापछिका २०० वर्षहरूमा राजाहरूले उनीहरूको शक्ति एकमुष्ठ पार्ने मात्र काम गरे । १४औं शताब्दिको उत्तरार्धमा देशका धेरैजसो भागहरु एकीकृत राज्यको अधीनमा आए। तर यो एकीकरण छोटो समयसम्म मात्र टिक्यो: १४८२मा यक्ष मल्लको समयमा आफ्ना छोराहरूलाई अंशबण्डामा काठमाडौं उपत्यकाका तीन राज्य बाँडेर दिने निर्णय पछि यो राज्य तीन भागमा टुक्रियो - काठमाण्डौ, पाटन, र भादगाँउ – जसको बीचमा शताब्दियौंसम्म खिचातानी र दुश्मनी रहिरहेको थियो।
१७६५मा, गोरखाका राजा पृथ्वी नारायण शाहले थोरैमात्र हतियार र सहयोग जुटाइ छिमेकी राज्यहरू, (खासगरी लम्जुंग,कास्की रत तनहूँ)को तटस्थता आफ्नो पक्षमा उपयोग गर्न सफल भएपछि देश एकीकरणका निम्ति अघि बढे। धेरै रक्तरञ्जित लडाँईहरू पश्वात, उनी ३ वर्षपछि काठमाण्डौ उपत्यका लाइ बिशाल नेपाल भित्र एकिकरण गर्ने अभियान मा सपलता प्राप्त गरे ।तथापि उनले तत्कालीन राजा जयप्रकास मल्लले राज्य गरीरहेको काठमाण्डौ राज्यलाई जित्दाखेरि कुनै युद्ध गर्नु परेन। वास्तवमा, त्यतिबेला इन्द्रजात्रा पर्वमा काठमाण्डौ उपत्यकाका सबै जनताहरू जात्रा मनाइरहेका थिए जब पृथ्वी नारायण शाहले आफ्ना सेनाहरू लिएर खासै कुनै मेहनतबिना उपत्यकालाई कब्जा गरे आफै बसेर जात्रा चलाए साँस्कृतीक सम्मानको अवधारणा प्रश्तुत गरे । यसले नयाँ नेपालको जन्मको आधारशिला तय गर्‍यो।
तिब्बतसङ्ग हिमाली मार्गको नियन्त्रणको निम्ति भएको विवाद र त्यस पश्चातको युद्धमा चीन तिब्बतको सहायताको लागि आएपछि नेपाल पछि हट्नुपर्‍यो। नेपालको सीमा नजिकका स-साना राज्यहरूलाई हड्पेका कारण सुरू भएको ब्रिटिस इस्ट इण्डिया कम्पनि सङ्गको दुश्मनीका कारण रक्तरञ्जित एङ्गलो-नेपाल युद्ध (१८१४–१६) भयो, जसमा नेपालले हालको सीमा रक्षा गर्न सफल भएपनि महाकाली नदी पश्चिमको आफ्ना क्षेत्रहरू गुमाउनु पर्‍यो। ती क्षेत्रहरू हुन हालको उत्तराखण्ड राज्य र हालको हिमाञ्चल प्रदेशका धेरै पञ्जाबी पहाडी राज्यजहरू। आफ्नो स्वाधिनताका लागी नेपालले ईस्ट इण्डिया कम्पनिसङ्ग सुगौली सन्धि गरेर तराईका केही भूभाग र एक तिहाइभन्दा बढी भूभाग सहित सिक्किम ,दार्जीलिङ, गुमाउनु पर्‍यो। कांगाडमासम्म पुगेका नेपाली र सतलजदेखी टिष्टा सम्मको विशाल नेपाल मेची र काली मा सिमाङित हुन पुग्यो, तर पनि पछी १८६० मा प्रथम राणा प्रधानमन्त्री जङ्गबहादुर राणासङ्ग खुसी भइ अङ्ग्रेजले नेपाललाई राप्तदेखी कालीसम्मको तराइ फर्काइदीएका थिए ।
राज परिवार बीचको गुटबन्दिका कारण युद्धपछि अस्थायित्व कायम भयो। सन् १८४६मा शासन गरिरहेकी रानीकी सेनानायक जङ्गबहादुर राणालाई पदच्युत गर्ने षडयन्त्रको खुलासा हुनाले कोतपर्व घट्न पुग्यो। हतियारधारी सेना र रानीप्रति वफादार भाइ-भारदारहरूबिच मारकाट चल्नाले देशका सयौं राजखलक, भारदारहरू र रजौटाहरूको हत्या भयो। जङ्गबहादुरले जितेपछि राणा खानदान सुरु गरे र राणा शासन लागु गरे। राजालाई नाममात्रमा सिमित गरियो र प्रधानमन्त्री पदलाई सक्तिशाली र वंशानुगत गरियो। राणाहरू पूर्णनिष्ठाले ब्रिटिसहरूका पक्षमा थिए र ब्रिटिसहरूलाई १८५७को सेपोई रेबेल्योन (प्रथम भारतीय स्वतंत्रता संग्राम), र पछि दुबै विश्व युद्धहरूमा सगाएका थिए। सन् १९२३मा संयुक्त अधिराज्य र नेपालबिच आधिकारिक रुपमा मित्रताको सम्झौतामा हस्ताक्षर भयो, जसमा नेपलको स्वतन्त्रतालाई संयुक्त अधिराज्यले स्विकार्‍यो ।
१९४० दशकको उत्तरार्धमा लोकतन्त्र-समर्थित आन्दोलनहरूको उदय हुन थाल्यो र राजनैतिक पार्टीहरू राणा शासनको विरुद्धमा उत्रे । त्यसै ताका चीनले १९५०मा तिब्बत कब्जा गर्‍यो जसका कारण बढ्दो सैनिक गतिविधि टार्न भारतलाई नेपालको स्थायित्व प्रति चाख बढ्न थाल्यो। फलस्वरुप राजा त्रिभूवनलाई भारतले समर्थन गरी १९५१मा सत्ता दिलाए, र नयाँ सरकार निर्माण भयो, जसमा धेरैजसो नेपाली कङ्ग्रेस पार्टिको सहभगिता थियो । राजा र सरकार विच वर्षौंको शक्ति खिचातानि पश्चात, १९५९मा राजा महेन्द्रले लोकतान्त्रिक अभ्यास अन्त्य गरि "निर्दलिय" पञ्चायत व्यवस्था लागु गरि राज्य गरे। सन् १९८९को "जनआन्दोलन"ले राजतन्त्रलाई संबैधानिक सुधार गर्न र बहुदलिय संसद बनाउन बाध्य तुल्यायो[२] र मे १९९१मा कृष्णप्रसाद भट्टराई अन्तरिम सरकारको प्रधानमन्त्री बने, नयाँ संविधानको निर्माण भयो र संसदका लागि लोकतान्त्रिक चुनाव गराए। नेपाली कङ्ग्रेसले राष्ट्रको पहिलो लोकतान्त्रिक चुनावमा बहुमत ल्यायो र गिरिजाप्रसाद कोइराला प्रधानमन्त्री बने ।
वि. सं. २०६५, जेठ १५ गते बसेको सम्विधान सभाको वैठकले नेपाललाई सङ्घीय लोकतान्त्रिक गणतन्त्र नेपाल घोषणा गर्यो।

भूगोल
मुख्य पृष्ठ s: नेपालको भूगोल and नेपालको खनिजशास्त्र

नेपालको भौगोलिक नक्सा

सुक्खा हिमाली पृष्ठभूमि
नेपाल अन्दाजी चारकुने आकारको छ। नेपालको लम्बाई करिब ८०० किलोमिटर (५०० मा) र चौडाई २०० किलोमिटर (१२५ मा) छ। नेपालको कुल क्षेत्रफल १४७,१८१ वर्ग किलोमिटर (५६,८२७ sq मा)छ। नेपाल भौगोलिक हिसाबले ३ भागमा विभाजन गरिन्छ: हिमाली क्षेत्र, पहाड, र तराइ क्षेत्र। यी क्षेत्रहरु पूर्व-पश्चिम दिशामा देशभरि फैलिएका छन् र यिनीहरुलाई नेपालका प्रमुख नदीहरुले ठाउँ-ठाउँमा विभाजन गरेका छन् । तराइ क्षेत्र र पाहाडी क्षेत्रका बिच दक्षीणमा चुरे तथा उत्तरमा माहाभारत श्रृङखलाले घेरीएका बिभिन्न सात वटा उपत्यका हरूको समुह छ जसलाइ भित्री मधेश पनी भनिन्छ ।
भारतसँग जोडिएको तराइ फांट भारतीय-गंगा समथरको उत्तरी भाग हो। यो भागको सिंचाई तथा भरणपोषणमा तीन नदीको मुख्य हात छ, यी नदीहरु हुन्: कोशी, गण्डकी (भारतमा गण्डक नदी), र कर्णाली नदी। यो भूभाग उष्म र संतृप्त हुन्छन्।
पहाडी भूभागमा १,००० देखि ४,००० मिटरसम्मका (३,३००–१३,१२५ फू) उचांईका पर्वत पर्दछन्। यो क्षेत्रमा महाभारत लेख र सिवालिक श्रृखला (चुरिया) नामका दुई साना पहाडी श्रृखला मुख्य श्रृखला हुन्। पहाड क्षेत्रमा काठमाडौं उपत्यका पनि पर्दछ जुन नेपालको सबैभन्दा उर्वर तथा शहरी क्षेत्र हो। पहाडी क्षेत्रको उपत्यका हरुको दांजोमा २,५०० मिटर (८,२०० फिट)भन्दा उच्च स्थलमा जनघनत्व निकै कम छ।
हिमाली क्षेत्रमा संसारका सबैभन्दा उच्च हिमश्रृखलाहरु पर्दछन्। यस क्षेत्रको उत्तरमा चीनको सिमानामा संसारको सर्वोच्च शिखर, सगरमाथा ८,८४८ मिटर (२९,०३५ फि) अवस्थित छ। संसारको ८,००० मिटर भन्दा अग्ला १४ चुचुरा मध्ये ८ नेपालको हिमाली क्षेत्रमा पर्दछन्। कञ्चनजङ्घा, संसारको तेश्रो उच्च शिखर पनि यही हिमाली क्षेत्रमै पर्दछ। नेपालका सबै भौगोलिक क्षेत्रका मुख्य समस्यामा वन बिनास एक मुख्य हो जसले गर्दा भूक्षय र इकोसिस्टमको विनास हुन्छ।
नेपालमा पाँच मौसमी क्षेत्र छन् जुन उचाँईसंग केही मात्रामा मेल खान्छन्। ट्रपिकल तथा सबट्रपिकल क्षेत्र १,२०० मिटर(३,९४० फि) भन्दा तल, टेम्परेट क्षेत्र १,२०० देखि २,४०० मिटर (३,९००–७,८७५ फि), चिसो क्षेत्र २,४०० देखि ३,६०० मिटर (७,८७५–११,८०० फि), सबआर्क्टिक क्षेत्र ३,६०० देखि ४,४०० मिटर (११,८००–१४,४०० फि), र आर्क्टिक क्षेत्र ४,४०० मिटर(१४,४०० फिट)भन्दा माथि। नेपालमा पाँच ऋतुहरु छन्: उष्म, मनसून, अटम, शिषिर र बसन्त। हिमालयले मध्य एसियाबाट बहने चीसो हावालाई नेपाल पस्नबाट रोकिदिन्छन् तथा मनसूनको वायुको उत्तरी परिधिको रुपमा पनि काम गर्दछन्।
नेपाल र बंगलादेशको सिमाना नजोडिएतापनि यी दुई राष्ट्र २१ किलोमिटर (१३ माइल)को एक सांघुरो चिकेन्स् नेक भन्ने क्षेत्रबाट छुट्टिएका छन्| यो क्षेत्रलाई स्वतन्त्र-व्यापार क्षेत्र बनाउने प्रयास भईरहेको छ|
संसारको सर्वोच्च शिखर सगरमाथा नेपाल र चीन (तिब्बत)को सिमानामा अवस्थित छ। यो हिमालको नेपालमा पर्ने दक्षिण-पूर्वी रिज(ridge) प्राविधिक रूपमा चढ्न सहज मानिन्छ। जसको कारण हरेक वर्ष सो स्थानमा धेरै पर्यटक भेला हुन्दछन्। अन्य चढिने हिमालमा अन्नपुर्ण (१,२,३,४) अन्नपुर्ण श्रृंखलामा पर्दछ।

प्राकृतिक सम्पदा
नेपाल प्राकृतिक सम्पदाको धनी देश हो। सानो मुलुक भए तापनि हिमालदेखि तराइसम्म पाइने विविधतापूर्ण हावापानीका कारण यहाँ विविधतापूर्ण प्राकृतिक वनस्पति, फूल, लहरा, जनावर, कीटपतंङ्ग, चराचुरूङ्गी तथा झरना, खोला, पहाड, कन्दरा आदि पाइन्छ। नेपाली चराको विविधता त झन् विश्वमा उत्कृष्ट मानिन्छ। यहाँ ठूलोमा सारसदेखि सानोमा फिस्टो सम्मका चराचुरुङ्गी पाइन्छ।

अर्थतन्त्र
मुख्य पृष्ठ : नेपालको अर्थतन्त्र

केही साल पुरानो एक रुपैयाँको नोट
कृषिले जनसङ्ख्याको ७६% धानेको छ र कुल ग्राह्यस्थ उत्पादनको ३९% योगदान गरेको छ भने सेवाले ३९% र उद्योगले २१% गरेको छ। देशको उत्तरी दुई-तिहाई भागमा रहेका पहाडी र हिमाली भूभागले बाटोघाटो र अन्य संरचना निर्माण गर्न कठिन र महङ्गो बनाएको छ। सन् २००३ सम्ममा कालोपत्रे-सडकहरूको कुल लम्बाई ८,५०० किमि भन्दा केही बढी र दक्षिणमा रहेको रेल्वे-लाइनको कुल लम्बाई ५९ किमि मात्र छ। ४८ वटा धावनमार्ग र त्यसमध्ये १० वटामा कालोपत्र भएकाले हवाईमार्गको भने स्थिति राम्रो छ। यहाँ बढीमा प्रति १९ व्यक्तिका लागि १ टेलिफोन सुविधा उपल्ब्ध छ; तारजडित सेवा देशभर अपुग छ तर सहरहरू र जिल्ला सदरमुकामहरूमा बढी केन्द्रित छ; सेवामा जनताको पहुँच बढेको र सस्तो हुँदै गएकाले मोबाइल (वा तार-रहित) सेवाको स्थिति भने देशभर राम्रो छ। सन् २००५ मा १,७५,००० इन्टरनेट जडानहरू (connections) थिए, तर "सङ्कटकाल" लागू भएपश्चात केही समय सेवा अवरूद्ध भएको थियो। केही अन्योल पछि नेपालको दोस्रो बृहत जनआन्दोलनले राजाको निरङ्कुश अधिकार समाप्त गरे पश्चात भने सवै इन्टरनेट सेवाहरू बिना रोकटोक सुचारू भएका छन्।[३]
नेपालको भूपरिवेष्ठित स्थिति[४] र प्राविधिक बिपन्नता अनि लामो द्वन्दले अर्थतन्त्रलाई पूर्णरूपमा विकाशशील हुन दिएको छैन। नेपालले भारत, जापान, संयुक्त अधिराज्य, अमेरिका, युरोपेली संघ, चीन, स्वीजरल्याण्ड र स्क्यानडेभियन राष्ट्रहरूबाट वैदेशिक सहयोग पाँउछ। आर्थिक बर्ष २००५/०६मा सरकारको बजेट करिब १.१५३ अर्ब अमेरिकी डलर जतिको थियो, तर कुल खर्च १.७८९ अर्ब भएको थियो। १९९० दशक तिरको बढ्दो मुद्रा स्फीति दर घटेर २.९% पुगेको छ। बर्षौं देखि नेपाली मुद्रा रूपैयाँलाई भारतिय रूपैयासँग सटहीदर १.६ मा स्थिर राखिएको छ। १९९० दशकमा खुकुलो परिएको मुद्रा बिनिमय दर निर्धारण नीतिका कारण बिदेशी मुद्राको कालोबजार लगभग समाप्त भएको छ। एक दिर्घकालिन आर्थिक सम्झौताले भारतसँगको राम्रो संबन्धलाई टेवा दिएको छ।
जनताहरू बीचको सम्पत्ति वितरण अन्य विकसित र विकासोन्मुख देशहरूको दाँजोमै छ: माथिल्ला १०% गृहस्थीसँग कूल राष्ट्रिय सम्पतिको ३९.१% माथि नियन्त्रण छ भने निम्नतम १०% सँग केबल २.६% मात्र।

हिमालयको पुछारमा पाखो खेति
नेपालको १ करोड जतिको कार्यबलमा दक्ष कामदारको निकै कमी छ। ८१% कार्यबललाई कृषिले, १६% सेवाले, र ३% उत्पादन/कला-आधारित उद्योगले रोजगारी प्रदान गर्दछ। कृषी उत्पादनहरू —— मुख्यतया भारत सीमा नजिकका तराईक्षेत्रमा खेती गरिने —— हुन्: चामल, मकै, गहूँ, उखु, दुध, र राँगापालन। उद्योगमा जुट, उखु, सुर्ति र अन्न लगायतका मुख्यत: कृषी प्रसोधनका कार्यहरू गरिन्छ। नेपालका शानदार भूदृश्य र गहन, अनौठो संस्कृतिका फलस्वरुप पर्यटनमा निक्कै संभाव्य छ, तर यस निर्यातमुलक उद्योगलाई बिगतका राजनैतिक घटनाहरूले निक्कै खस्काइदिएको छ। बेरोजगारी र अल्परोजगारीको अनुपात जनसङ्ख्याको कार्यबल-आयुको आधा पुग्छ। त्यसैले धेरै नेपालीहरू कामको खोजिमा भारत जान्छन, खाडी राष्ट्रहरू र मलेसिया कामका नया श्रोतहरू हुन। गरिबी चर्को छ।[५] भारतिय र ब्रिटिस सैनिकमा कार्यरत गोर्खाली सेनाहरू मार्फत नेपालले वार्षिक ५ करोड अमेरिकी डलर आम्दानी गर्दछ। गोर्खाली सेनालाई कौशल र बहादुरीका लागि आदर गरिन्छ। पर्सियन खाडी र मलेसिया, जहाँ करिब ७ लाख नेपाली श्रमिकहरू कार्यरत छन्, बाट पठाइने रकाम समेत कुल रेमिट्यान्सको करिब १ अर्ब डलरको हाराहारीमा छ।
सन २००५ का लागि नेपालको कुल ग्राह्यस्त उत्पादन (GDP) अनुमान ३९ अर्ब डलर भन्दा बढि (पर्चेजिङ पावर प्यरिटि समायोजित) छ, जसले यसलाई विश्वकै ८३औँ ठूलो अर्थतन्त्र बनाएको छ। प्रति-व्यक्ति आय करिब १,४०२ डलर छ, जसको स्थान १६३औँ छ। नेपालको निर्यात मुख्यत: गलैँचा, पोशाक, छालाका बस्तुहरू, जुट र अन्न गरि कूल ८२.२ करोड डलरको छ। आयात मुख्यत: सुन, मेसिनरि तथा कलपुर्जाहरू, पेट्रोलियम पदार्थ र कृषिमल गरि जम्मा २ अर्ब डलरको छ। प्रमुख निर्यात गरिने राष्ट्रहरू भारत (५३.७%), संयुक्त राज्य अमेरिका (१७.४%), र जर्मनी(७.१%) हुन। नेपालले आयात गर्ने प्रमुख राष्ट्रहरू हुन भारत (४७.५%), संयुक्त अरब इमिरेट्स (११.२%), चीन (१०.७%), साउदी अरेबिया (४.९%), र सिङ्गापुर (४%).

प्रशासनिक विभाजन
मुख्य पृष्ठ s: नेपालका अञ्चलहरु, नेपालका जिल्लाहरु, नेपालका विकास क्षेत्रहरु, and नेपालका शहरहरू
नेपाल १४ अञ्चल, ७५ जिल्ला र ५ विकास क्षेत्रमा विभाजित छ| प्रत्येक जिल्ला एक निश्चित जिल्ला प्रमुखद्वारा निर्देशित हुन्छ| जिल्ला प्रमुखको काम जिल्लामा विधान तथा शान्ति बहाल गर्नु र सरकारी मन्त्रालयहरुको काम सघाउनु हो|
नेपालका १४ अञ्चलहरु:

1 मेची
8 लुम्बिनी
2 कोशी
9 धवलागिरी
3 सगरमाथा
10 राप्ती
4 जनकपुर
11 कर्णाली
5 बागमती
12 भेरी
6 नारायणी
13 सेती
7 गण्डकी
14 महाकाली

संस्कृति
नेपाल सांस्कृतिक बिबिधताले भरिएको देश हो। केही संस्कृति तिब्बत र केही भारतसँग मिल्दाजुल्दा छन्। यहाँको भेषभूषा, भाषा तथा पकवानहरुमा धेरै समानताहरू पाईन्छन्।

खाना

This article may require cleanup to meet Wikipedia's quality standards.Please discuss this issue on the talk page or replace this tag with a more specific message.
नेपालको सामान्य खाना भनेको दाल, भात, तरकारी, अचार हो। यस प्रकारको खाना एक चोटी बिहान र एक चोटी रातमा गरेर दिनको दुई पटक खाइन्छ। यी खानाहरुको बीचमा चिउरा तथा चियाको सेवन पनि गरिन्छ। समय-समयमा माछा, मासु, अण्डा आदिको सेवन पनि गरिन्छ। हिमाली भेगमा गहुँ, मकै , कोदो, आलु आदिको खाना हुन्छ भने तराईमा गहुँको रोटीको प्रचलन धेरै छ। कोदोको मादक पदार्थ तोङ्गबा, छ्याङ, रक्सी आदिको सेवन हिमाली भेगमा बढी हुन्छ। नेवार समुदाय आफ्नै विशेष किसिमको नेवारी परिकारहरु सेवन गर्दछन्।

शिक्षा
यो लेख (वा लेखको भाग)लाई विकिपीडियाको गुणस्तरमा राख्नको लागि विकीकरण गर्न आवश्यक छ ।लेख राम्रो पार्न, कृपया मद्दत गर्नुहोला विषेश गरी यसको सेक्शन लेआउट, सान्दर्भिकता, भित्री लिंक आदिमा ध्यान दिन आवश्यक छ । (सहयोग)
नेपालमा आधुनिक शिक्षाको शुरूवात राणा प्रधानमन्त्री जङ्ग बहादुर राणाको बेलायत यात्रा पछि सन् 1982 मा स्थापित दरबार हाइस्कुल (हाल को रानीपोखरी किनारको भानु मा.बि)बाट भएको हो। यस भन्दा अगाडि नेपालमा केही धर्मशास्त्रीय दर्शनमा आधारित शिक्षामात्र दिइन्थ्यो । आधुनिक शिक्षाको शुरूवात 1982 मा भएपनि यो आम नेपाली जनताका लागि भने सर्वशुलभ थिएन। तर देशका बिभिन्न भागमा केही बिद्यालय दरवार हाइस्कुलको शुरूवात सँगै खुल्न शुरू भए। नेपालमा पहिलो उच्च शिक्षा केन्द्र चाँहि काठमाण्डूमा रहेको त्रि-चन्द्र क्याम्पस हो। राणा प्रधानमन्त्री चन्द्र सम्सेर ले आफुसँगै राजा त्रिभुवनको नाम जोडी यस क्याम्पसको नाम राखेका थिए। यो क्याम्पसको स्थापना पछि नेपालमा उच्च शिक्षा आर्जन धेरै सहज हुनपुगेको थियो। तर सन 1959 सम्म पनि देशमा एउटा पनि विश्वविद्यालय स्थापना हुन सकेको थिएन। राजनीतिक परिवर्तन पछी राणा शासन मुक्त देशले अन्तत 1959मा त्रिभुवन विश्वविद्यालयको स्थापना गर्यो। त्यसपछि महेन्द्र संस्कृतका साथै अन्य विश्वविद्यालयहरू पनि खुल्दै गए। हालै मात्र सरकारले ४ वटा अरू विश्वविद्यालय पनि खोल्ने घोषणा गरेको छ। नेपालको शिक्षा को सबैभन्दा मुख्य योजनाकार शिक्षा मन्त्रालय हो। त्यस बाहेक शिक्षा विभाग, क्षेत्रीय शिक्षा निर्देशनालयहरू, जिल्ला शिक्षा कार्यालयहरू, परीक्षा नियन्त्रण कार्यालय सानोठिमी, उच्चमाध्यमिक शिक्षा परिषद, पाठ्यक्रम विकास केन्द्र, बिभिन्न विश्वविद्यालयका परीक्षा नियन्त्रण कार्यलय विकास विस्तार तथा नियन्त्रणका क्षेत्रमा कार्यरत छन।
नेपालका विश्वविद्यालयहरू
त्रिभुवन विश्वविद्यालय
त्रिभुवन विश्वविद्यालय नेपालको सबै भन्दा पुरानो र ठुलो राष्ट्रीय विश्वविद्यालय हो। यो विश्वविद्यालयको केन्द्रीय कार्यालय कृतीपुर काठमान्डौमा छ । हाल यो विश्वविद्यालयमा 150,00 विधार्थी अध्यनरत छन् । कृषी तथा पसु अध्यान संस्थान, वनबिज्ञान, इन्जीनीयरिङ, बिज्ञान तथा प्रबिधी, चिकित्शाशास्त्र, समाजबिज्ञान, मानवशास्त्र, ब्यवस्थापन, शिक्षा शास्त्र ,कानुन तथा मानविकीमा यो विश्वविद्यालय ले शिक्षा प्रदान गरिरहेको छ । यस विश्वविद्यालयका 60 आंगिक तथा 416 सम्वन्धन प्राप्त क्याम्पस रहेकाछन । यो विश्वविद्यालयले हाल पनि नेपालको उच्चशिक्षामा 75 प्रतीसत भन्दा बढीको भार बोकीरहेको छ । साथै यो विश्वविद्यालय नेपालको थिंकटेङक को रूपमा पनि चिनिन्छ । त्रिभुवन विश्वविद्यालयको वेव साइट
महेन्द्र संस्कृत विश्वविद्यालय (हाल नेपाल संस्कृत बनाइएको )
नेपालको दोश्रो पुरानो र काठमान्डौ उपत्यका बाहीर दाङ जील्लमा स्थापित यो विश्वविद्यालय1986मा स्थापना भएको हो । संस्कृत शिक्षाको उच्च तह आयुर्बेद, तथा आधुनीक शिक्षामा समेत पढाइ हुने यो विश्वविद्यालयको काठमान्डौ कार्यालय बसन्तपुर मा रहेको छ । नेपाल संस्कृत विश्वविद्यालय वेव साइट
काठमाडौं विश्वविद्यालय
1991को डिसेम्बर मा स्थापीत नेपालको पहीलो प्राइभेट विश्वविद्यालय काभ्रे जील्लाको धुलीखेलमा रहेको छ ब्यवस्थापन वाणीज्य, बिज्ञान तथा चिकीत्साशास्त्रको यो विश्वविद्यालयमा पढाइ हुने गरेको छ । हाल काठमान्डौ विश्वविद्यालयमा 2072 जती बिधार्थी अध्यानरत छन । काठमाडौँ विश्वविद्यालय वेव साइट
पुर्वान्चल विश्वविद्यालय
पुर्वीनेपालको विराटनगर सहर मा स्थापीत नेपालको पहिलो क्षेत्रीय विश्वविद्यालय हो । यो विश्वविद्यालय सन् 1995 मा स्थापना भएको हो पूर्वान्चल विश्वविद्यालय वेव साइट
पोखरा विश्वविद्यालय
पस्चीमान्चल नेपालको पोखरा सहरमा अवस्थीत छ । यो विश्वविद्यालय सन् 1996 मा स्थापीत भएको हो । हाल यस विश्वविद्यालयमा 4900 विधार्थी अध्यनरत छन ।यो विश्वविद्यालयमा संग आंगीक र संबन्धनप्राप्त गरी देशभरी 24 वटा क्याम्पस रहेका छन । पोखरा विश्वविद्यालय वेव साइट
लुम्वीनी विश्वविद्यालय
सन् 2005 मा स्थापीत यो विश्वविद्यालयमा आउदो शैक्षीक सत्र देखी मात्र बुध्द दर्शनमा पढाइ शुरू हुनेछ यो विश्वविद्यालय भगवान बुध्दको जन्मस्थल लुम्वीनी मा स्थापीत भएको छ ।
नेपाल कृषी तथा वन विश्वविद्यालय (निकट भविश्यमा स्थापना गरिने)
कृषीप्रधान नेपालमा कृषी तथा बातावरण जोगाउन वनको अझ महत्व दर्साउन त्रिभुवन विश्वविद्यालय अन्तर्गतको कृषी तथा पसुविज्ञान अध्यान संस्थान का भरतपुरको रामपुर स्थीत केन्द्रीय क्याम्पस लम्जुडको सुन्दर बजार कृषी क्याम्पस,पक्लीहवा भैरहवाको पक्लीहवा कृषी क्याम्पस का साथै हेटौडामा रहेको त्रिभुवन विश्वविद्यालय को वन बिज्ञान अध्यान संस्थानको केन्द्रीय क्याम्पस तथा पोखरा अवस्थीत वन बिज्ञान क्याम्पस लाइ मिलाइ कृषी तथा वन विश्वविद्यालय भरतपुर मा निकट भविश्यमा स्थापीत हुदैछ ।
मध्यपस्चिमाञ्चल विश्वविद्यालय(निकट भविश्यमा स्थापना गरिने)
सुर्खेतको वीरेन्द्रनगर मा उपकुलपतीको कर्यालय राखी मध्यपस्चीमाञ्चल बिकासक्षेत्र भरी क्यामपस बिस्तार गरिने छ । यो क्षेत्रीय विश्वविद्यालयको अवधारणा अनुरूप खोल्न लागीएको हो ।
सुदुरपस्चीमाञ्चल विश्वविद्यालय
डोटीको दिपायल वा कैलालीमा मा उपकुलपतीको कर्यालय राखी सुदुरपस्चीमाञ्चल बिकासक्षेत्र भरी क्याम्पस बिस्तार गरिने छ । यो विश्वविद्यालय पनि क्षेत्रीय विश्वविद्यालयको अवधारणा अनुरूप खोल्न लागीएको हो ।
खुल्ला विश्वविद्यालय
सरकारले खुला विश्वविद्यालयको विश्वभरी सफल अवधारणालाइ नेपालमा पनि कार्यान्वयन गर्न नेपालमा पनि खुल्ला विश्वविद्यालय खोल्ने घोषणा गरेको छ ।

स्वास्थ्य
नेपालमा धेरैपहिले देखि आयुर्वेद प्राकृतिक चिकित्सा पद्धति उपयोगमा थियो। वैद्य र परम्परागत चिकित्सकहरू गाउँघर सहरमा स्वास्थ्यसेवा पुर्याउँथे, उनीहरूको औषधीका श्रोतहरू नेपालको हिमाल देखि तराई सम्म पाइने जडिबुटीहरू नै हुन्थे। आधुनिक चिकित्सा पद्धतिको शुरूवात राणा प्रधानमन्त्री जङ्गवहादुर राणाको बेलायत यात्रा पछी दरवार भित्र शुरू भए तापनि नेपालमा आधुनिक चिकित्सा संस्थाको रूपमा राणा प्रधानमन्त्री वीर सम्सेरको पालमा काठामाण्डौमा सन १८८९ मा स्थापित वीर अस्पताल नै हो। त्यसपछि चन्द्र समसेरको पालामा स्थापित त्रि-चन्द्र सैनिक अस्पताल हो। हाल नेपालका अस्पतालहरू सामान्यतया आयुर्वेद, प्राकृतिक चिकित्सा तथा आधुनिक चिकित्सा गरी सरकारी सेवा विद्यमान छ।

सेना तथा सुरक्षा अंग
नेपालमा नेपाली सेना,नेपाली सैनिक विमान सेवा,नेपाल ससस्त्र प्रहरी बल,नेपाल प्रहरी,नेपाल ससस्त्र वनरक्षक तथा राष्ट्रीय अनुसन्धान विभाग नेपाल गरी सस्सत्र, तथा गुप्तचर सुरक्षा निकाय रहेका छन ।

यसलाई बाड्नुहोस् ।

Share/Bookmark
Related Posts with Thumbnails

मेरो कन्ट्रोल प्यानल

New Post | Settings | Template Designer | Design | Edit HTML | Fonts and Colors | Moderate Comments | Sign Out